<那夜凌晨，我坐上了旺角開往大埔的紅VAN > 後感

我無睇過書, 亦無睇過陳果導演既戲, 抱住平常心入場睇, 無諗過套戲變成三級係因為恐怖同血腥鏡頭, 對於唔睇鬼片同驚悚片既我黎講的確over左少少。

不過, 最令我感覺窒息係當中既政治隱喻, 身為八十後, 難得再見Shine同場, 聽住天佑一句:「大家無謂再"扼"自己話出面一切正常, 大家係時候停一停面對我地所見到既現實。」由雙非、自由行、國教、廣東話被矮化、HKTV發牌、劉進圖遇襲, 好多香港人仍然堅持呢一連串事件只係個別例子, 好多香港人仍然堅持要見到證據先相信而家唔只係溫水煮蛙。難道, 要到香港"落紅雨"、一切"被染紅" , 我地被迫放棄同離開家園時先醒覺?

望住主角對大埔既不捨, 腦海浮現 ""漸漸熟習 世界會變 不再受驚怕, 為免犧牲 情願被同化, 移徙到鬧市找一個家...", 同化和離開就等於無事發生嗎? 當家園被毀時, 除左自救, 仲有邊個幫到你?

P.S. 見到網上好多人都話唔套戲唔好睇、好爛, 若果你未睇, 我建議你先諗清楚係咪真係想睇, 係的話, Just do it~! 唔好犯香港人既通病, 人云亦云, 每個人都係獨特既, 見解亦不盡相同。

如喜歡本文章, 請給我的page一個Like/讚！謝謝=)
Fb page: http://www.facebook.com/pearltravelling
Blogspot: http://pearltravelling.blogspot.hk/